ПРОЕКТ ДЕТАЛИ

Потребата за реализација на предлог-проект,,Реконструкција на улица 8 во с.Милино,Општина Лозово,е од суштинско значење,не само за жителите на село Милино ,туку и за сите жители од Општина Лозово.Имено улицата 8 во село Милино е во многу лоша состојба и е во кал.Овие лоши услови секојдневно го попречуваат функционирањето на моторните возила и целокупната земјоделска механизација.За таа цел жителите на село Милино имаат потреба од изведба на инфраструктурни активности за реконструкција на улица 8 во село Милино,Општина Лозово во должина од 519,46 метри,која што и всушност е предмет на барање на нашиот предлог-проект. Реконструкцијта ,односно осовременувањето на оваа улица со нов и модерен коловоз ќе придонесе кон значително подобрување на функционалноста на улицата,а со тоа и ќе овозможи развој на сообраќајната циркулација до едно повисоко ниво на овој дел од населеното место. Придобивките од реализацијата на активностите на овој предлог-проект се од огромно значење,односно истите ќе придонесат кон подобрување на патната инфраструктура во село Милино и ќе овозможат побезбедно одвивање на сообраќајниот тек,не само на пешаците,туку и на сите моторни возила кои секојдневно гравитираат кон ова населено место. Исто така бенефитите од овој предлог-проект ќе го подобрат социјалниот и економскиот раст и развој на Општина Лозово.Со спроведувањето на проектните активности наведени во овој предлог-проект ќе се зголеми општата безбедност во сообраќајот,како и со целосна имплементација на проектот ќе се развие мобилноста на жителите во село Милино и Општина Лозово,со што истите ќе се стекнат со посовремени услови за живот.