![](/Content/img/sirera-logo-transparent.png)
Систем за координација во планирањето, спроведувањето, мониторингот и евалуацијата на политиката за рамномерен регионален развој
Реконструкција на локален пат во с.Бохула
ПРОЕКТ ДЕТАЛИ
Потребата од реконструкција на локалниот пат кој што е предмет на оваа апликација е од огромно значење развој на руралните средини, посебно за делот на Бошавијата каде што се поврзуваат селата Чемерско-Бохула-Радња, и со неговата реализација ќе имаме директен пристап до Ски Центарот Кожув, како еден од најголемите скијачки центри во државата. Како рурални подрачја со голем опфат, селото Бохула од една страна допира до општина Демир Капија, а од друга страна на северозападната страна на Кожув планина, односно на тесниот дел на неговиот срт се допира со државната граница со Грција. Со реализацијата на овој проект ќе се овозможат основни инфраструктурни услови со кои селото ќе може да се развива. Постоечкиот пат е составен од асфалт кој е оштетен и има не соодветни попречни падови со што е нарушена безбедноста на учесниците во сообраќајот и ефикасното одводнување на патот. Профилот на постоечкиот пат се со променлива ширина од 3,0-3,5м и изведените банкини поради нередовно одржување се затревени. Со реализацијата на овој проект е предвидено асфалтирање во должина од 940 метри и ширината на коловозот од 4,5 метри, со банкина од 0.5 метри и ригола од 0,5 метри, со што би се асфалтирала главната улица во с. Бохула, а ова инвестиција ќе биде од особено значење и за шумското стопанство, локалните земјоделци и лозари, но и за сите граѓани кои одовде се упатуваат кон поволните излетнички места и посебно кон ски центарот Кожуф.
Времетраење проект:
Почетен датум:
04.06.2021
Краен датум:
01.11.2022
Датум завршување:
Вид проект:
Патен сообраќај
Институција:
БИРО ЗА РЕГИОНАЛЕН РАЗВОЈ
Општина:
Кавадарци
Буџетска програма:
РЕГИОНАЛЕН РАЗВОЈ