ПРОЕКТ ДЕТАЛИ

Населените места Брест и Црешнево се најдуваат на територијата на општина Македонски Брод и се едни од повиталните села на оваа територија. Сегашната состојба на локалните улици во двете населени места е таква што тие не се целосно пробиени, дел се состојат од макадам, а останатиот дел се земјани. Теренот е планински, а во селото Брест се забележува дека има и природни ограничувања, големи успони , падови и засеци и стрмни падини. Потребата за изградба на улиците се јавува поради поврзување на луѓето и добрата како внатре во овие населени места така и надвор со општината и другите населени места во неа, намалување на диспаритетот помеѓу населените места во општината но и помеѓу другите населени места во републиката, подобрување на општинските услуги на населението во овие села и создавање на услови за побрз економски развој. Предлог проектот опфаќа изградба на локални улици во населените места Брест и Црешнево . Во селото Брест се предвидуваат за изградба 7 локални улици со вкупна должина од 1.275,6 метри и во селото Црешнево 9 локални улици со вкупна долшина од 1.992 м. Ширината на сите локални улици се прилагодува според постојната состојба на терен. Изградбата опфаќа геодетско обележување и осигурување на трасите на локалните улици, ископ на земјани материјали од улиците до проектираните коти, комплетно планирање и набивање на потлото , планумот на улиците, набавка и вградување на тампонски материјал и бетонски павер елементи.