ПРОЕКТ ДЕТАЛИ

Развојот на туризмот и валоризација на природните и културните вредности на Источниот плански регион се зацртани и во поединечните стратегии за развој на туризмот на општините и во стратегијата на ИПР. Неопходно е создавање на микро дестинации и поврзување на истите со цел создавање на критична маса која реално ќе преставува потенцијал за привлекување на домашните и странски туристи. Зрновци има доста направено во минатото на ова поле. Местоположбата на општината како и предходното искуство заедно со подршката на сите останати општини од ИПР се предуслови кои треба да бидат искористени за реализација на овој проект кој ќе создаде потенцијал за надоградба и солидна презентација на етно содржините од целиот регион. Воедно ќе се создадат и услови за одржување на низа на манифестации и настани кои ќе ја збогатат туристичката понуда на ИПР. Досега сите општини, самостојно, повеќе или помалку имаат создадени туристички атракции и капацитети за развој на туризмот. Со овој проект се дава регионален пристап на тоа и ќе се овозможи вмрежување и заедничка соработка.