ПРОЕКТ ДЕТАЛИ

Туристичките атрактивности како што се чистата природа, убавите речни пејсажи, понорамските видици, чистиот воздух се предуслов за развој на потенцијалните видови на туризам со посебен акцент на спортско-рекреативниот и трекинг туризмот со препорака која е детерминирана во сите плански документи за уредување и изградба на пешачки, велосипедски, трекинг и планинарски патеки. Иако, реката Брегалница има голем туристички потенцијал сепак, без оглед на одличните предуслови таа воопшто не е искористена во поглед на развој на туризмот. Според, претходно извршени анализи, течението по реката и нејзината околина можат да привлечат значителен број туристи и да обезбедат солидни средства од развојот на туризмот. Постојат идеални услови за спорт и рекреација. Токму поради овие огромни постоечки и неискористени потенцијали Источниот регион се одлучи за започнување со реализација на серија од проекти за развој на спортско-рекреативниот туризам во регионот. Со проектот се предвидува:  Уредување и изградба на пешачко-велосипедска патека долж река Брегалница со вкупна должина од 1060 метри;  Поставување на урбана опрема долж патеката (31 Клупа за одмор и 29 корпи за отпадоци);  Осветлување на патеката, поставување на 49 електрични столбови со енергетски ефикасни ЛЕД светилки  Уредување на детско игралиште со површина од 100 м2. Во моментот степенот на развој на спортско-рекреативниот туризам е на многу ниско ниво. Токму поради ова, сите проектни партнери и заинтересирани страни се согласни дека е неопходно да се превземат чекори и да се стимулира изградбата на туристичка инфраструктура т.е. изградба и уредувањето на крајбрежните атрактивни зони по течението на река Брегалница. Овие мерки директно ќе придонесат за зголемување на атрактивноста на регионот, привлекување и најважно од се задржување на посетителите.